संजय राऊतांनी उल्लेख केलेले साडेतीन शहाणे कोण?

 NEWS24सह्याद्रि

                       

भाजपचे साडेतीन लोक अनिल देशमुखांच्या कोठडीत असतील, असा इशारा संजय राऊत यांनी बोलताना दिला आहे. भाजप विरोधात आंदोलन करणाऱ्या नाना पटोलेंना याबाबत विचारलं असता उद्याचा पेपर मी आज का फोडू? असं म्हणाले. दरम्यान, पंतप्रधान मोदी यांनी लोकसभेत केलेल्या वक्तव्याविरोधात आज विरोधी पक्षनेते देवेंद्र फडणवीस  यांच्या घराबाहेर आंदोलन करण्याची घोषणा काँग्रेसचे प्रदेशाध्यक्ष नाना पटोले यांनी केली होती. त्यानुसार, आंदोलनाला सुरुवात झाली. परंतु, काही वेळातच मुंबईकरांची अधिक गैरसोय होऊ नये काँग्रेसने भाजपविरोधात पुकारलेले आजचे आंदोलन थांबवत असल्याची घोषणा काँग्रेसचे प्रदेशाध्यक्ष नाना पटोले यांनी केली. 

त्यांनतर संजय राऊतांनी उद्या पत्रकार परिषद घेणार असल्याचं म्हटलं आहे.तसेच, आम्ही खूप सहन केलं आम्ही, बर्बाद पण आम्हीच करणार आहोत. डोक्यावरुन खूप पाणी गेलंय? आता बघाच, अशा शब्दांत शिवसेना खासदार संजय राऊत यांनी भाजपला इशारा दिला आहे. तसेच पुढे बोलताना भाजपचे साडेतीन लोक अनिल देशमुखांच्या कोठडीत असतील, असा इशाराही राऊतांनी दिला. यावर बोलताना नाना पटोले म्हणाले की, "संजय राऊत जी पत्रकार परिषद घेणार आहेत, ज्या साडेतीन शहाण्यांबद्दल बोलणार आहेत, त्यांचा पेपर मी आज का फोडू? आज त्या साडेतीन शहाण्यांना झोप लागणार नाहीये, मला माहितीय ते कोण आहेत? पण जरा सस्पेन्स राहु देत. काही दिडशहाणे आहेत, त्यामुळे ते साडेतीन शहाणे आहेत"असहि ते यावेळी म्हणालेत ...