गॉसिप कल्ला - सिद्धार्थ जाधवने व्यक्त केली खंत

 News24सह्याद्री - सिद्धार्थ जाधवने व्यक्त केली खंत... पहा गॉसिप कल्ला मध्ये

TOP HEADLINES

1. अमिताभ बच्चन यांनी घेतला कोरोना लसीचा दुसरा डोस

कोरोनाने सगळीकडे दहशत असताना आधार तो फक्त लसीचा. सध्या देशभर लसीकरण सुरु आहे. बॉलिवूडच्या अनेक सेलिब्रिटींनीही कोरोना लस घेतली आहे. आता महानायक अमिताभ बच्चन  यांनी नंबर लावलाये. काल त्यांनी कोरोना लसीचा दुसरा डोस घेतला. सोशल मीडियावर त्यांनी स्वत: ही माहिती दिली. पण हा दुसरा डोस घेताना अमिताभ यांनी चक्क चाहत्यांची माफी मागितली. 

2. 'राधे' पायरेटेड साईट्सवर बघाल तर खैर नाही!!

बॉलिवूडचा भाईजान सलमान खान  याचा 'राधे- योर मोस्ट वॉन्टेड भाई'  हा सिनेमा ओटीटीवर रिलीज झाला. मात्र रिलीज झाल्यानंतर काहीच तासांत सिनेमा ऑनलाईन लीक झाला. अशात भाईजानचे टेन्शन वाढणे साहजिक आहे. आता त्याने पायरेटेड साईट्सविरोधात कडक कारवाईचा इशारा दिला आहे.'राधे- योर मोस्ट वॉन्टेड भाई' लीक होताच अनेक चाहत्यांनी सलमान व मेकर्सला याविरोधात कायदेशीर कारवाई करण्याची विनंती केली होती. 

3. 'अग्गंबाई सूनबाई' तर 'माझ्या नवऱ्याची बायको' मालिकेचा सिक्वेलच

छोट्या पडद्यावरील 'माझ्या नवऱ्याची बायको' प्रचंड सुरहिट ठरली होती. या मालिकेतील प्रत्येक व्यक्तीरेखा रसिकांच्या पसंतीस पात्र ठरली. गुरुनाथ, राधिका आणि शनायाची जुगलबंदी असलेली ही मालिका अल्पावधीतच रसिकांची लाडकी मालिका बनली होती.तर आता झी  मराठीचीच  दुसरी मालिका 'अग्गबाई सासुबाई' हिचा दुसरा भाग 'अग्गबाई सूनबाई' नावाने सुरु करण्यात आली. खरंतर मालिका सुरु झाली तेव्हापासून रसिकांनी फार काही पसंती दिली नव्हती. 

4. सिद्धार्थ जाधवने व्यक्त केली खंत

देशभरात लॉकडाऊन जाहीर झाल्यानंतर हिंदी असो किंवा मराठी आणि मालिका क्षेत्रातील अनेक कलाकारांनी जमेल तसे गरजूंना विविध मार्गांनी मदतीचा हात पुढे केला आहे. पण सर्वाधिक चर्चा झाली ती केवळ बॉलिवूड कलाकारांचीच. बॉलिवूडमध्ये प्रत्येक कलाकाराचे मदतकार्याची प्रत्येक माहिती दिली जाते.दुसरीकडे मराठी कलाकारसुद्धा तितक्याच निस्वार्थ भावनेने कोरोना काळात मदतीसाठी मैदानात उतरले आहेत. पण तरीही मराठी कलाकारांच्या योगदानाबद्दल प्रश्न उपस्थित केला.

5. अमृता रावने आरजे अनमोलशी गुपचूप केले होते लग्न

बॉलिवूड अभिनेत्री अमृता राव वीर नावाच्या गोंडस बाळाचीआई झाली आहे आणि ती पती आरजे अनमोल सोबत आपले वैवाहिक जीवन आनंदाने जगतेय. अमृता ही बॉलिवूड मधील अशा अभिनेत्रींपैकी एक आहे जिने स्वत: ला नेहमीच वादांपासून दूर ठेवले आहे. अमृता हिट अभिनेत्री आहे जिचे नाव कोणत्याही अभिनेत्यासोबत जोडले गेले नाही पण शाहिद कपूरच्या खूप जवळ होती.