तुळशीची पाने लाभदायी फायदे, चघळणे आरोग्यास हानिकारक, वाचा

 News24सह्याद्री -

तुळशीच्या वनस्पतीमध्ये औषधी गुणधर्म असतात जे आपल्याला बर्‍याच रोगांपासून दूर ठेवण्यास मदत करतात. आपण तुळशीची पाने काढा करण्यासाठी वापरतो. यामुळे आपली रोग प्रतिकारशक्ती मजबूत राहते. याशिवाय चहामध्ये पाने टाकून ते प्यायल्याने खोकला, सर्दी, पोटदुखी इत्यादीपासून मुक्तता मिळते. तुळस हिंदू धर्मात सर्वात पवित्र मानली जाते. आपल्या सर्वांच्या घरात तुळशीचे रोप असते, ज्याची पूजा केली जाते. बरेच लोक तुळशीची पाने चघळून खातात. परंतु आपल्याला हे माहित नसेल की तुळशीची पाने चघळणे आपल्या आरोग्यासाठी हानिकारक आहे.

तुळशीची पाने चघळणे हानिकारक

बरेच लोक सकाळी रिकाम्या पोटी तुळशीची पाने चघळतात आणि खातात. ही सवय आपल्या दातांसाठी हानिकारक आहे. वास्तविक, तुळशीच्या पानांमध्ये पारा आणि लोहाचे प्रमाण जास्त असते. या व्यतिरिक्त आर्सेनिकही काही प्रमाणात असते. या दोन्ही गोष्टी आपल्या तोंडासाठी हानिकारक असू शकतात. यामुळे आपले दात खराब होतात. तुळशीची पाने चघळणे आणि ते खाल्ल्याने या दोन्ही गोष्टी तोंडात दीर्घकाळ राहतात जे आरोग्यासाठी हानिकारक आहे. म्हणून तुळशीची पाने चघळून खाऊ नका.

असा करा वापर

तुळशीची पाने बारीक करून पाण्यात मिसळा आणि प्या. याशिवाय तुम्हाला हवे असल्यास तुम्ही चहामध्ये देखील तुळशीची पाने घालू शकता. दररोज त्याचे सेवन केल्यास हंगामी संक्रमणास प्रतिबंध होतो. तुळशीची पाने वाटून आपण त्याची गोळी बनवू शकता. याशिवाय पाने कोरडी वाटून पावडर बनवू शकता.

तुळशीचे लाभदायी फायदे

तुळशीच्या पानांमध्ये विटामिन ए, विटामिन डी, फायबर, आयर्न असते, जे आपली रोगप्रतिकारशक्ती वाढवते. तुळशीच्या पानांमुळे शुगर लेवल नियंत्रणात राहते, गॅसची समस्या दूर होते. सर्दी, पडसे, तणाव या समस्या दूर करण्यास तुळशीचा फायदा होतो.