अतुल भातखळकर यांनीही अर्णब यांच्या अटकेवरुन ठाकरे सरकारला लगावला टोला

   News24सह्याद्री - 

मुंबई -

रिपब्लिक टीव्हीचे संपादक अर्णब गोस्वामी यांना आज सकाळी रायगड पोलिसांनी अटक केली आहे. या अटकेनंतर राजकीय नेत्यांकडून प्रतिक्रिया येत असून भाजपा नेते अतुल भातखळकर यांनीही अर्णब यांच्या अटकेवरुन ठाकरे सरकारला ट्विटवरून आपले मत व्यक्त करत टोला लगावला आहे. न्याय नीती सोडून अभिमन्यूला चक्रव्यूहात घेरणाऱ्यांनो तयार रह,  भीमाची गदा निश्चित हिशोब चुकते करेल, जेव्हा कुरुक्षेत्रात मांड्या फुटतील तेव्हा बांगड्या फोडू नका' असे भातखळकर म्हणाले आहे.

तसेच अतुल भातखळकर पुढे म्हणाले की, 'पंतप्रधान नरेंद्र मोदींमुळे देशात आणीबाणी असल्याचे राष्ट्रवादीच्या खासदार सुप्रिया सुळे काल म्हणाल्या की, ही आणीबाणी खरेतर राज्यात उद्धव ठाकरे यांच्या सूडबुद्धी कारभारामुळे सुरू आहे. तसेच, अर्णब गोस्वामीना झालेली अटक ही लोकशाहीला काळिमा फासणारी घटना आहे. यापुढे भकास आघाडीने लोकशाहीच्या गप्पा मारू नये. या सर्व गोष्टीचा धिक्कार आहे' असे म्हणत भातखळकर यांनी महाविकास आघाडीला टोला लगावला आहे.