अर्णब गोस्वामी यांच्या अटक प्रकरणावर राजू शेट्टी यांचा तीव्र संताप

     News24सह्याद्री - 

 मुंबई -

रिपब्लिक टीव्हीचे संपादक अर्णब गोस्वामी यांच्या अटके नंतर भाजपा नेत्यांकडून राज्य सरकार वर जोरदार टीका होत आहे. राज्यापासून ते केंद्रातील नेत्यांपर्यंत सर्वांनीच राज्य सरकारवर निशाणा साधला आहे. हा पत्रकारितेतील "काळा दिवस" असल्याचा उल्लेख करत आंदोलनही करण्यात आली. दरम्यान शेतकरी नेते आणि स्वाभिमानी शेतकरी संघटनेचे प्रमुख राजू शेट्टी यांनी अर्णब गोस्वामींच्या अटकेवरुन टीका करणाऱ्या भाजपाविरोधात तीव्र संताप व्यक्त केला जात आहे. 

“त्यांना त्यांची तळी उचलणाऱ्या एका संपादकाला वाचवायच आहे. पण हे करत असताना एका महिलेच्या पती आणि सासूने आत्महत्या केली असून कुटुंब उद्ध्वस्त झाले आहे हे विसरून चालणार नाही. एका कुटुंबाचे दुख: दिसत नाही पण संपादकाच दुख दिसत. जर माझ आयुष्य उद्ध्वस्त झाले म्हणून कुटुंब आत्महत्या करत असेल तर तो कितीही मोठा माणूस असला तरी कारवाई झालीच पाहिजे,” अस राजू शेट्टी यांनी म्हटले आहे. भाजपाला शेतकऱ्यांच्या प्रश्नांकडे लक्ष देण्यास वेळ नाही असा टोलाही राजू शेट्टी यांनी लगावला आहे