मोठी बातमी । शहराचे ग्रामदैवत विशाल गणपती मंदिरासह ११ मानाच्या मंडळांनी घेतला हा महत्वपूर्ण निर्णय

 News24सह्याद्री - 

श्रावण महिन्यात आलेल्या सर्वच सणांवर यावर्षी कोरोनाच सावट आहे आणि हे सावट दिवसेंदिवस गडद होत चाललंआहे , त्यामुळे या कोरोनाच्या गडद होणाऱ्या संकटाच्या पार्श्वभूमीवर नगर शहरातील मानाच्या मानल्या जाणाऱ्या १२ गणेश मंडळांनी एक मोठा निर्णय घेतला , हे सर्व गणेश मंडळे या वर्षी अगदी साधेपणाने गणेशउत्सव साजरा करणार आहेत , या वर्षी ना गाजावाजा , ना गर्दी पाहायला मिळणार ना देखावे उभारले जाणार . एवढंच नव्हे तर साधा मंडपही या वर्षी उभारला जाणार नाही , आहे त्याच जागी पण चार भिंतीच्या आत गणेश मूर्तीची स्थापना करण्याचा महत्वपूर्ण निर्णय या सर्व गणेश मंडळाच्या पदाधिकार्यांनींनी घेतला आहे , आणि विशेष म्हणजे हा निर्णय सर्वानुमते घेण्यात आला . या विषयीची बैठक नुकतीच पोलीस उपाधीक्षक संदीप मिटके व मानाच्या १२ गणेश मंडळाच्या प्रमुख उपस्थितीत पार पडली ,या बैठकीतील निर्णयाविषयी अधिक माहिती विशाल गणपती मंदिर ट्रस्ट चे अध्यक्ष अभय आगरकर यांनी दिली.