सह्याद्री ब्रेकिंग - गणेशोत्सवाची परंपरा खंडीत होऊ नये, यासाठी अटी शर्तींवर मंडळांना परवानगी द्या आ. संग्राम जगताप

  News24सह्याद्री  - 

कोरोना महामारीच्या पार्श्वभूमीवर गणेशोत्सवावर प्रशासनाकडून निर्बंध आणण्याची तयारी सुरू आहे. मानाच्या गणेश मंडळांनी साध्या पद्धतीने गणेशोत्सव साजरा करण्याचा निर्णय घेतला असला, तरी मंडपांना परवानगी दिली जाणार नाही, अशी चर्चा सध्या सुरू आहे. या पार्श्वभूमीवर आमदार संग्राम जगताप यांनी आयुक्त श्रीकांत मायकलवार यांची भेट घेऊन चर्चा केली. 

कोरोना महामारीच्या पार्श्वभूमीवर गर्दी टाळून साध्या पध्दतीने गणेशोत्सव साजरा केला जाणार आहे. गणेश भक्तांच्या भावना लक्षात घेऊन त्यांनी गणेश मुर्तीची स्थापना करण्यासाठी काही अटी-शर्तींवर परवानगी देण्यात यावी, अशी भूमिका आमदार जगताप यांनी मांडली आहे.